تـــــــاج الأميرات إهداء من الشاعرة الشمرية بمناسبة عقد قران نجل ملك البحرين الشيخ خالد بن حمد بن عيسى آل خليفة على كريمة خادم الحرمين الشريفين الأميرة سحاب بنت عبدالله بن عبدالعزيز آل سعود........
المهمة يالله أنا راجـيك رب السمـوات ياغافر (ن) للعبد ذنوب (ن) كبارا
تغمر سحاب بالفرح والمســـــــرات دربه خضر والخير دايم مســـــارا
ياشمعة النمرود بين الأميـــــــــرات خدك شعاع الشمس بأول نـهـــــارا
ياشامخه بكل المعاني الفـــــــريدات كل القصايد عند وصفك حيــــــارا
ياسيدة غيد المها والجميـــــــــــلات هيهات مثلك ينوجد بالعـــــــــــذارا
بنت آل سعود أهل الكرم والبطولات ملوك العرب شبه الصقورالحـرارا
هاماتهم سلمى تضاهي المجـــــرات من لابتن بـــين القبــايــــل نـــدارا
مرحوم ياراعي المبادي العظــيمات عبدالعزيز اللي حكم بأقــــــتـــدارا
عبدالله حر ومنزله بالطويــــــــلات جعل الديار اللي حكمها عـــمــــارا
بحرالصخا وقت السنين الشحيحات تسلم يمينك ياربيـــع الـــفـــقـــــارا
وجده صفوق الهيلعي بالمـــــلاقات مروي جموع الفرس كاس المـرارا
ومطلق أخو جوزا زيون الونيــــات زعيم شمر قاصفــين العمــــــــارا
وفرحان والحميدي رجال الصعيبات من الطنا بأرض المعارك ســـكارا
وسعود يظهر بالليالي العسيـــــرات بالموزمة شبه الليوت الجــــســـارا
شيوخ الطنايا منجزين المهمــــــات من دور الامسح والشريف وعرارا
يستاهله نسل الأصول العريبـــــات خالد يادرع المملكة وافتخـــــــــارا
ماهزته فلول العجم بالخيانــــــــات ملوك (ن) على اسم العروبة غيارا
