_مره واحد صعيدى قال لمراته نكته قالتله هاهاهاى بايخه…. قالها هاهاهاى انتى طالق
_واحد صعيدى تاهت من حمارته قعد يدور عليها لحد لما تعب فقعد يستريح … ويعدين عدى من قدامه حمار وحشى فقعد يجرى وراه وبقول “متنكره تحسبنى مش هعرفها “
_مره واحد سال شيخ ايه كفارة اللى يعاكس واحده لبنانيه الشيخ قالله ” يعاكس وحده سودانيه 3 ايام
_واحد صعيدي اخد مراته وقعد في فندق 5 نجوم 5 ايام راح بيدفع الحساب صاحب الفندق قالو 5000 جنيه الحساب
الصعيدي قالو 5000 جنيه ليه يابوي صاحب الفندق علشان كان عندك سرير بالكهرباء قالو الصعيدي والهي مانمت عليه رد عليه صاحب الفندق قالو وانا مالي ما كان قدامك مانمتش عليه ليه وقالو كان عندك بانيو وحمام قالو والهي استحميت في الطشت قالو وانا مالي مهو كان قدامك ما استحمتش فيه ليه قالو وكان عندك دش وتلفزيون 60 بوصة قالو والهي ما اتفرجت عليه قالو وانا مالي مهو كان قدامك ماتفرجتش علي ليه
الصعيدي بص لصاحب الفندق وقالو انت اللي تتديني 10000 جنيه
صاحب الفندق قالو والهي ما بصيت عليها الصعيدي قالو وانا مالي مهي كانت قدامك ما بصتلهاش ليه
_واحد صعيدي لقي مكتوب علي علبة لبن خالي من الدسم كتب جنبها وانا خالى من سوهاج
_واحد راح الصيدليه وقال للدكتور : عايز لبن اطفال ….. الدكتور اسمه ايه!؟……. الراجل : اسمه اشرف
_مره ندل حب يعلم ولاده النداله المهم ايه اخره النداله ديه.؟ جه يموت وعايز يقول الشهاده قام واحد من ولاده سد له بقه
_سألوا واحد صعيدي : مين أهم الشمس ولا القمر رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ
_مجموعة صعايدة عملوا عصابه و قرروا يسرقوا بنك
زعيم العصابه : محمدين يدخل البنك و يستخبى فى دورة المياه لحد ما البنك يقفل .. و بعدين يشيل الجريليه بتاعت التكييف
بعد كده نخش كلنا من فتحة التكييف و نكسر الخزنه و ناخد الفلوس
لما نطلع من البنك حنلاقى الحارس نروح جتلينه و نهرب بالفلوس .. فاهمين يا رجاله
العصابه : فاهمين يا رييس
المهم جت ساعة الصفر و فعلا راح محمدين البنك و استخبى فى دورة المياه
و فتح لهم .. و دخلوا .. و فتحوا الخزنه .. و لما خرجوا من البنك ملاقوش الحارس .. فضلوا يستنوه ساعة .. ساعتين لكن الحارس ماجاش
رئيس العصابه : مافيش فايدة يا رجالة يلا نرجع الفلوس الخزنه الخطة فشلت
_صعيدى حب يروح حفلة تنكريه راح قطع دراعه
_مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا الغناء اثناء العمل قعدوا يغنوا ” هيلا هيلا صلوا عا النبي ” المقاول سمعهم قالهم هاتخربوا بيتي مش معقول تبنوا كنيسة وتغنوا ” صلوا عا النبي ” غنوا اي حاجة تانية ، في اليوم التالي سمعهم بيغنوا ” هيلا هيلا بص عا الحيطة ” بص للحيطة شاف مكتوب عليه ” صلوا عا النبي
_صعيدى سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:”ابوس ايدك سمى، صدرى اتحرق!
_مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: ” جوزك ضيع كل فلوسه ع القمار”
قالت له: ” إلهي ينشل البعيييد!”
قال لها: ” و باع البيت”
قالت له: ” إلهي يبيعوا عنيه!”
قال لها: ” و اتجوز عليكي على فكرة”
قال له: ” إلهي يدخلوا عليا شايلينه”
الراجل قال: ” بس.. خشوا يا شباب…”
_مرة واحد صعيدي ماشي في الشارع ومعاه شوية مسامير فوقع منه واحد قعد يندهله و يقوله تعالى و مفيش فايده آخر ما زهق رما شوية مسامير و قالهم هاتوه
_واحد صعيدي مكلف بتفجير نفسه بين الاسرائيليين راح عمل بروفة بين أهله قبلها بيوم
_واحد صعيدي وواحد امريكي وواحد ياباني تايهين في الصحراء بقالهم ثلاثة ايام وفجأة ظهرلهم الجني وقال كل واحد فيكم ليه طلب واحد بس
الامريكي قال عايز اروح بلدي ونفذله الجني طلبه
الياباني قال عايز اروح بلدي ونفذله الجني طلبه
راح الصعيدي قاله واه هما سبوني لوحدي هاتهم لي تاني
_واحد معدى لقى ناس بتهيص قوى قالوهم فية اية.. قالوله فى واحد بلدياتناعايز ينط من سطح العمارة..هم خلاص انا طالعلة… طلعلة وقاله عايز تنتحر لية… بلدياتنا قاله اصل انا غبى وكل الناس بتقول علي غبى .. راح الراجل قايله هاقولك فزوره لو حلتها ماتبقاش غبى .. حاجة اسمها زى شكلها .. بلدياتنا : ماخبرش .. الراجل:البيضة اقولك واحدة تانية .. حاجتين اسمهم زى شكلهم .. بلدياتنا :ماخبرش .. الراجل: بيضتين اقولك واحدة تانية بسيطه و سهله .. حاجة كبيرة وسودة وبتجيب لبن واسمها جموسة .. بلدياتنا 3 بيضات
